При полициска акција на повеќе локации во текот на вчерашниот ден била пронајдена прашкаста материја за која дополнително треба да се утврди дали е дрога. Приведени се четири лица на возраст од 19 до 37 години.
– Во 19:45 часот, на подрачјето на Карпош, полициски службеници од СВР Скопје ги лишиле од слобода Д. Д. (37) од Свети Николе и А. Р. (31) од Скопје затоа што кај Д. Д. била пронајдена и одземена прашеста материја. Во 21.30 часот, на подрачјето на Гази Баба, полициски службеници го лишиле од слобода А. Б. (28) од Скопје затоа што кај него била пронајдена и одземена марихуана. Во 00.30 часот, на подрачјето на Кисела Вода, полициски службеници од СВР Скопје го лишиле од слобода С. А. (19) од Скопје затоа што кај него била пронајдена и одземена марихуана, се вели во соопштението од МВР.
По целосно документирање на случајот, ќе биде поднесена соодветна пријава.
