Претседателот на Русија, Владимир Путин, ги осуди обвинувањата на Западот дека Русија планира да се бори против Европа. Ги нарече „целосна глупост“.
-Што се однесува до тврдењата дека планираме да ја нападнеме Европа по Украина, ова е целосна глупост со цел да се заплаши нивното население да плати повеќе пари, рече тој, пренесува новинската агенција ТАСС.
Според него Западот се обидува да го пренесат тој наратив во светот, а сето тоа се случувало „среде опаѓање на економијата и влошување на животниот стандард“.
-Тоа е апсолутно јасно и сите го признаваат. Ова не е пропаганда. Ова навистина се случува. Тие треба да се оправдаат, па го заплашуваат своето население со потенцијалната закана од Русија, рече Путин.
