Паѓа бројката на новозаразени од ковид 19 на неделно ниво, ова го покажуваат резултатите од последната статистика на Институтот за јавно здравје, за периодот од 15 до 21 август.
Во тие 7 дена, регистрирани се вкупно 2.686 нови позитивни случаи од 34 градови, што е намалување од 22,7 проценти во однос на претходната недела.
Најголем број од регистрираните случаи се од Скопје, а најзастапена е возрасната група на лица над 60 години. Во однос на претходната недела, регистрирано е намалување кај сите возрасни групи со најзабележително намалување од 36,3 отсто во возрасната група 10-19 години.
