Селекторот на Фудбалската репрезентација на Македонија, Благоја Милевски, е задоволен со вчерашната победа на Фарски Острови со 1:0. Стрелец на голот беше Бојан Миовски во 82.минута од мечот.
– Ако подвлечеме линија после овие два натпревари, без разлика што овој денешниот беше пријателски, можам да бидам задоволен, пред сѐ од пристапот на играчите, енергијата, желбата…Сето тоа ми предизвикува задоволство и прави една добра база за тоа што нѐ очекува во јунскиот прозорец од квалификациите, изјави Милевски.
Додека селекторот на Фарски Острови, Хакан Ериксон, и покрај поразот изјави дека е релативно задоволен од тоа како одигра неговата селекција во целина.
– Не можам да бидам одушевен од поразот, но задоволен сум од тоа како одиграа фудбалерите. Во целина одиграа добро против еден квалитетен тим каков што е Македонија. На Фарски Острови се сака фудбалот, во секое село има црква и фудбалски терен. Вие еднаш ја победивте и Италија, зошто не би го повториле тоа, изјави селекторот на Фарски Острови, Ериксон.
Според него Македонија е селекција со голем технички потенцијал.
