Денешните дојави за поставени бомби во скопски училишта се лажни, соопшти МВР.
МВР ја известува јавноста дека се направени сите потребни проверки во врска со денешните пријави.
-Седум училишта на територија на Скопје добиле порака на електронската адреса со закана за поставена експлозивна направа. Утврдено е дека станува збор за лажни пријави, се наведува во соопштението.
Во него се додава дека веднаш по добиените пријави, од полициски службеници се преземени мерки за безбедно евакуирање на училиштата, а потоа се извршени и детални проверки од тимови за антитерористички проверки.
