Ударот со мотор во ограда бил фатален за скопјанец кој загинал во сообраќајна несреќа во скопската населба Капиштец.
Според информациите, дваесет и осумгодишен скопјанец Љ.А. синоќа почина откако со мотор удрил во ограда на ул.„Елисие Поповски – Марко“. Во несреќата тешко е повредена и сопатничката Г.С. (27) од Скопје.
-По несреќата Љ.А. бил пренесен во Комплексот клиники „Мајка Тереза“ каде од лекар му биле констатирани тешки телесни повреди и набргу починал. Известен бил Јавен обвинител, а увид извршила увидна екипа од СВР Скопје, соопшти полицијата.
