100 илјади денари ќе му даде општина Центар на семејството на Јасмина Василковска, жената што ги донираше своите органи и спаси три човечки животи.
– Како Општина Центар ова е најмалку што можеме да направиме и да се заблагодариме на семејството Василковски за најхуманото сторено дело, за човечноста и за големината да се биде човек. Јасмина Василковска беше наша сограѓанка и жителка на Општина Центар и затоа во нејзина чест ќе обезбедиме 100.000,00 денари од Буџетот на Општина Центар, а средствата ќе ги донираме на нејзиното семејство, изјави градоначалникот Саша Богдановиќ.
Ваквата одлука е за поздрав, оти е хумана и во полза на семејството. Но според жителите на Центар не е информација со која општината треба да се фали во медиумите.
-Друго е кога градоначалникот дели хуманитарна помош на ранливи категории, па за тоа да има информации во медиумите, но кога станува збор за ваква донација, има ли потреба од медиумски помпи…
-Градоначалниците мора да разберат дека капиталните инвестиции, реновирани или новоизрадени улици е тема за во медиумите, а не доделената помош… пишуваат центарци на социјалните мрежи.
Можеби и семејствата кои ги добиваат парите не сакаат да се знае што добиле или треба да им се даде. Потегпт на Центар несомнено е за поздравување.
