ВМРО-ДПМНЕ: Ковачевски е заложник на Ахмети

Kовачевски е заложник на Ахмети, една година владее со криминал и корипција. Со Ковачевски ништо не се смени, напротив, уште повеќе се зацврсти криминалот. Тој е заложник на Ахмети, зошто само тој го држи на власт, се вели во соопштението од ВМРО-ДПМНЕ.

Од партијата додаваат дека Ковачевски го гледа само личниот интерес. Уште со доаѓањето на СДСM на власт како што наведуваат тој со неговиот кум ја основал Пиксел груп, која заедно со КМГ ЕОЛ Квазар на неговиот кум зема грантови од државата, тендери и склучува договор со ЕВН додека тој е функционер.

Од ВМРО-ДПМНЕ наведуваат дека покрај криминална, Владата е и неспособна. Македонија има инфлација од 20% на врвот во Европа. Се увезува струја и над 20 милиони евра месечно, затоа што власта е неспособна да произведе.

-Во поглед на безбедноста, Владата е неспособна да ги заштити граѓаните. Со месеци неможе да пронајде кој е дојавувачот на лажните бомби и внесува несигурност кај граѓаните. Ковачевски ги остави и учениците без книги, а болните без лекови. И образованието и здравството се во хаос.

Земјоделците се незадоволни и неможат да си го продадат произведеното. Ковачевски и Ахмети не можат да ја водат Македонија. Потребни се промени и нова Влада за подобра иднина, се вели во соопштението.