Бараме грчките власти да ги осудат членовите на групата што го изврши нападот врз архимандритот Никодим Царкњас, побара Обединета македонска дијаспора. Оваа организација на македонските иселеници од САД соопшти дека со тага ја прими веста дека архимандритот Никодим Царкњас, 80-годишен македонски православен свештеник во Грција, на 23 февруари 2023 година повторно бил малтретиран и физички нападнат од група млади Грци.
-ОМД ја повикува грчката влада, Европската унија и сите соодветни меѓународни организации за човекови права да го истражат и прекинат ова поттикнато заплашување и да обезбедат заштита и граѓански права на македонските малцинства во Грција. Овие континуирани несовесни дела не се белег на модерна држава која ги почитува правата на своите граѓани, без разлика на нивната етничка припадност, се наведува во соопштението.
Додека возел кон дома, патот на архимандритот Царкњас бил намерно блокиран од две возила, спречувајќи го да го продолжи да вози, точно пред понтискиот „Црноморски клуб на Алмопија“ во С’ботско/Аридеја. Откако учтиво побарал од групата да ги преместат возилата што му го блокирале патот, тие почнале вербално да го напаѓаат со лични и верски навреди. Тие потоа го засилиле нападот така што му го оштетиле и го скршиле стаклото од автомобилот и се обиделе да влезат во автомобилот за физички да го повредат. За среќа, архимандритот Царкњас успеал да избегне дополнителна повреда и ја напуштил областа што е можно побрзо. Тој веднаш го пријавил настанот во локалната полиција и поднел тужби против сторителите.
ОМД апелира до грчката влада, странските делегации во Грција, Хелсиншкиот комитет во Грција и Европскиот суд за човекови права, да стават крај на овие неоправдани напади врз малцинските групи во Грција. Дополнително, ОМД недвосмислено бара од македонската Владата да го осуди овој напад и да воспостави политика на нулта толеранција за малтретирањето на македонските малцинства и нивните основни човекови права во соседните земји и во светот.
