Само еден патен правец утринава е во прекин, информира Автомото сојуз на Македонија. Според информацијата објавена во 06.50 часот од страна на АМСМ, сообраќајот на регионалниот пат Крива Паланка – с.Нерав е во прекин за сите возила во двата правци, поради обилни врнежи на снег и одрон од камења на патот.
Се додава дека сообраќајот на државните патишта се одвива непречено во зимски услови по наместа влажни коловози.
-Од ЈП за одржување и заштита на магистралните и регионалните патишта информираат дека во 06:30 часот е укината забраната за тешки товарни возила за патниот правец Гостивар-Стража-Кичево, а во 08:00 часот и забраната за тешки товарни возила за патниот правец Крива Паланка – ГП Деве Баир, соопшти утрово директорот на Центарот за управување со кризи, Стојанче Ангелов.
Фото: Архива
