Двајца дрвокрадци од Штип фрлале дрва по полицајците за да им побегнат. Против нив е поднесена кривична пријава поради „спречување службено лице во вршење службено дејствие“.
Како што информираат од СВР Штип, на 23.10.2023 во село Кошево, полициски службеници од СВР Штип, Шумска Полиција и ЈП Национални шуми – „Серта“ од Штип ги забележале Љ.Д.(44) и Б.Џ.(45) со товарно возило во кое имало огревни дрва. Тие со возилото се дале во бегство и притоа од возилото фрлале дрва за на тој начин да ги спречат службените лица да ги престигнат, односно да ги извршат службените задачи.