Шефот на германскиот регулатор за лекови размислува да го забрани извозот на лекот за дијабетес „Оземпик“ на компанијата „Ново Нордиск“, кој е многу баран за неговите ефекти за губење на тежината, за да спречи недостиг на понудата, пишува „Ројтерс“.
„Оземпик“ е одобрен за третман на дијабетес тип 2, но сè повеќе се препишува за слабеење бидејќи ја има истата активна состојка како и исклучително популарниот, но редок лек за дебелина.
– Во моментов разговараме со претставниците за тоа што ќе направиме доколку сегашните мерки и јавни пораки не покажат ефект, рече претседателот на германското регулаторно тело за лекови Карл Броих за магазинот „Шпигел“ и додаде:
– Тогаш би размислувале да воведеме забрана за извоз за да остане доволно лек во земјава за пациентите на кои им е потребен.
Соопшти дека лекот оди во други европски земји и во САД. Најголемата побарувачка е поттикната токму од неговата употреба за губење на тежината.
Броих предупреди дека извозните ограничувања може да се користат само ретко и дека правните пречки се високи поради единствениот пазар на Европската унија. Тој додава дека достапноста на лекови е ограничена од пролетта годинава и покрај напорите на производителите на лекови да го зголемат производството.
