Лина Ѓорческа мораше да прави пресврт, но на крајот оствари голема победа за пласман во четвртфиналето на турнирот во Португалија, кој се игра за награден фонд од 100.000 долари.
Македонската тенисерка денеска се соочи со петтата носителка Ариане Хартоно на турнирот во Фигуера Да Фоз и успеа да се врати по загубен сет, за конечна победа од 2:1 во осминафиналето.
Подобро рангираната тенисерка го доби првиот сет со 6:4, но потоа следуваше одговорот на Лина, која ги доби следните два сета со 6:2 и 6:3, за целосен пресврт и место во четвртфиналето.
Мечот траеше два часа и две минути, а Македонката продолжува напред и ќе се обиде да отиде чекор понатаму на силниот турнир.
Во следната рунда, противничка на Ѓорческа ќе биде победничката од дуелот меѓу Австралијката Инглис и Канаѓанката Марино, која е втора носителка на турнирот.
