Под мотото „ПОМЕН – една година тишина“, со транспаренти во рацете „Спасете ја ивент-индустријата“, вработените во продукциските компании за организирање настани се собраа пред Владата со поставени кутии за опрема и со едночасовен молк го изразија својот револт, бидејќи една година не работат.
И тие побараа поддршка од државата-неповратни грантови како за ноќните клубови, бидејќи не може да опстанат и дека над 20.000 луѓе може да останат без работа.
-Донесоа мерки што не се разбирливи за нас, а ние треба да опстанеме. Ние секогаш сме гласни во нашата работа, но не сакаме овој пат да бидеме такви, сакаме на тивок начин да го решиме проблемот, изјави Маја Бабиќ, од ИВАП кои го организираа протестот и потсети на средбата со вицепремиерот за економски прашања, Фатмир Битиќи, уште во јануари.
