Полициски службеници првпат на претстојните локални избори ќе го озбедуваат доверливиот материјал, вклучувајќи ги и апаратите за вчитување на отпечатоците од прсти на гласачите. Ова е дел од Правилникот за начинот на постапување на полицијата на изборите што го усвои Државната изборна комисија (ДИК), а е изготвен во соработка со МВР.
Членот на ДИК, Борис Кондарко појасни дека полицијата до Избирачките одбори ќе го обезбедува транспортот на гласачките ливчиња и избирачкиот список, а за првпат со измените на законот, и техничката опрема за гласање за идентификација преку отпечаток од прст.
На денешната седница на Државната изборна комисија (ДИК) усвоено е и упатство за гласање на болните и изнемоштените лица кои ќе гласаат како и досега со примена на УВ ламба и спреј и за кои нема да се користат терминалите за вчитување на отпечатоци од прсти. Барањето и медицинските документи тие треба да ги достават до подрачните единици и канцеларии на ДИК или преку полномошник и по електронски пат.
Во понеделник рвите 200 од вкупно 400 терминали за отпечатоци од прсти ќе стигнат во ДИК. На овие локални избори ова е новина и на неа инсистираше опозицијата.
