Директорката на шумското стопанство во Куманово при гаснење на пожарите во општина Старо Нагоричане во близина на селото Длабочица била повредена при што итно била хоспитализирана и подложена на тешка операција.
Благодарение на целиот персонал на кумановската болница, операцијата поминала во најдобар ред и Катица е добра.
За ова извести заменик директорот на „Национални шуми“ Кире Михаилов кој ја посети колешката и потсети колку голема хероина е таа.
– Она кое што морам да го напишам е дека за мене, нашата колешка Катица, не само што е самохрана мајка и директорка на шумското во Куманово, не само што е моја прекрасна колешка, за мене Катица е хероина на која треба да се огледаат многумина. За мене лично, ако илинденците на крајот на 19-от век, а партизаните на средината на 20-от век се хероите во нашата историја, ваквите како Катица се хероите на почетокот на 21 век. Тие херои се луѓето кои на било кој начин ги жртвуваат својот мир и спокој, луѓето кои ги жртвуваат своето здравје и живот за доброто на Македонија и сите нејзини граѓани. Оваа слика нека одзвучува во мислите на секој оној кој намерно или ненамерно ќе запали оган и ќе предизвика пожар, напиша тој на својот фејсбук профил споделуваќи фотографија од посетата на повредената колешка.
Оваа слика нека биде поттик за она кое не треба за се прави, а уште поголем поттик поради тоа што недај Боже може да се случи.
– “Колеги, Вашата храброст најчесто се граничи со лудост” – напишав пред некој ден, а сега повторно гласно ги повторувам тие зборови кои се однесуваат не само на Катица, туку на сите наши колеги од ЈП “Македонски Шуми”, вели Михаилов.
