По вчерашното краткотрајно невреме во попладневните часови во Скопје метеоролозите за денеска предвидуваат променливо облачно, а попладне со пороен дожд, грмежи и засилен ветер. Во делови од котлината ќе има појава на краткотрајно невреме со интензивен пороен дожд, силен ветер и електрични празнења.
Минималната температура ќе се спушти до 17, а максималната ќе достигне 28 степени.
Слишно време се предвидува и во останатите делови од Македонија. Прoменливо облачно и нестабилно, особено во попладневните часови на повеќе места со пороен дожд и грмежи. Локално ќе има појава на невреме со пообилен дожд за кратко време, силни електрични празнења, силен ветер и услови за појава на град.
Минималната температура ќе биде во интервал од 13 до 20, а максималната ќе достигне од 25 до 32 степена. УВ индексот ќе биде 5.
И во следните денови подрачјето на нашата земја ќе биде под влијание на влажен и нестабилен воздушен бран, што ќе услови променливо облачно, посвежо и нестабилно време, на повеќе места со пороен дожд и грмежи. Локално, претежно во попладневните часови, ќе има поинтензивни процеси во форма на невреме.
