Две лица од Скопје се убиени во изрешетаниот автомобил рано изутринава во инцидентот што се случил во населбата Топанско поле.
-Утврден е идентитетот на лицата А.Б.(28) и Б.В.(24), двајцата од Скопје. Се преземаат мерки и активности за расчистување на случајот, истакнуваат од МВР на новинарско прашање.
Според првичните неофицијални информации лицата биле во автомобил на улицата „Македонско-косовска бригада“. Возилото, според информациите, било целосно изрешетан од куршуми.
По полицискиот увид на терен, биле пронајдени чаури од огнено оружје (пиштол и автоматска пушта), соопштија од МВР
На местото на настанот пристигнале и полициски екипи кои почнале да вршат увид. Повеќе информации се очекуваат во текот на денот. 
