Трамп би можел да добие европска помош за Ормутскиот Теснец, но само ако ја поддржи Украина

Американскиот претседател Доналд Трамп е познат по тоа што сака да склучува договори, а еден од неговите најблиски европски сојузници, финскиот претседател Александер Стуб, смета дека е можен договор што истовремено би помогнал да се реши кризата со нафтата во Заливот и војната во Украина, пишува Политико.
Претседателот Стуб вели дека постои реален потенцијал на Трамп да му се понуди тоа што го бара – европска воена поддршка за обезбедување на Ормутскиот теснец во замена за целосна поддршка за Украина, со цел таа да постигне прифатлив мировен договор со Русија.