„Да не беше смешно, ќе беше трагично. Филипче по насока на ПР шефот Башановиќ спремил програма на СДС, како да не беа до пред 2 години на власт,“ изјави на денешната прес – конференцијата на Валентин Манасиевски, член на ЦК на ВМРО-ДПМНЕ.
„Башановиќ очигледно не знае дека СДС до пред околу 2 години, 7 години беа на власт. Од тие 7 години власт, Филипче беше 5 години министер. По што остана запаметен сите знаеме,“ додаде Манасиевски и продолжи: „ПР стратезите Башановиќ и Шчекиќ му смислиле празен концепт за програма на Филипче, а тој без никаков срам, легитимитет и кредибилитет ја презентира новата програма на СДС.
Една од мерките во програмата без суштина во СДС се вика – скратена работна недела.
Башановиќ, Шчекиќ и Филипче, веројатно по насока на Заев ја спремиле мерката за скратена работна недела, по принципот на Зоран Заев, бидејќи тој како премиер во недела не работеше. И сабота не работеше. И петок. Додуша тој цела недела не работеше како премиер.
Впрочем, ова и не е нова мерка на Филипче и СДС, затоа што тие така работеа кога беа на власт,“ констатира Манасиевски.
