Сеизмолошката опсерваторија при Природно-математичкиот факултет во Скопје информира дека синоќа, во 23:09 часот, е регистриран земјотрес со епицентар на територијата на Косово, на околу 46 километри северозападно од Скопје.
Според мерењата на Телеметриската сеизмолошка мрежа на Република Северна Македонија, земјотресот имал локална магнитуда од 3.0 степени според Рихтеровата скала.
Потресот бил почувствуван во Тетово и околината со интензитет од III степени според Европската макросеизмичка скала, соопштуваат од опсерваторијата.
МОЖЕБИ ЌЕ ВЕ ИНТЕРЕСИРА:
