По наредба на претседателот Џо Бајден, американската војска изврши напади во Ирак во 2:45 часот по средноевропско време. При нападите веројатно убиени се „голем број милитанти на Катаиб Хезболах“ и уништени повеќе објекти што ги користела групата, соопшти американската војска.
Американската војска изврши воздушни напади во Ирак синоќа како одговор на нападот со беспилотно летало на проирански милитанти врз американска воена база, во кој тројца американски војници беа ранети, а еден во критична состојба, соопштија официјални лица.
Групите поврзани со Иран во Ирак и Сирија се противат на израелската кампања во Газа и ги сметаат САД делумно одговорни.
– Овие напади имаат за цел да ги повикаат на одговорност оние елементи директно одговорни за нападите врз коалициските сили во Ирак и Сирија и да ја намалат нивната способност да продолжат со нападите. Секогаш ќе ги штитиме нашите сили, изјави генерал Мајкл Ерик Курила, шеф на американската Централна команда.
Американската база во Ербил, Ирачки Курдистан, вчера беше нападната со беспилотно летало. Таа база беше неколкупато напаѓана.
