Автобусите на ЈСП „Скопје“ кои утринава беа паркирани пред зградата на Владата веќене се на булеварот „Илинденска“. Тие се повлечени попладнево а се очекува и воспоставување на нормален сообраќај на овој фреквентен булевар.
Автобусите беа паркирани пред Владата во знак на протеест на раководството на ЈСП и на скопската градоначалничка Данела Арсовска поради долгот кој, според нив, Владата го има кон најголемиот градски превозник. Владата демантираше дека има таков долг. Не е познато дали меѓу двете страни е постигнат некаков договор.
Проблемот со ЈСП се реши откако Град Скопје вчера итно пренамени 2 милиони евра со кои се обезбедни плати до крајот на годината. Дотогаш останува неизвесно дали ќе се најде одржливо решение, или загубите повторно ќе се вратат.
