Конечно нешто се случува на темата Нов изборен закон. Во петокот Собранието до Министерството за правда испратило допис со номинирани претставници од парламентарните партии, кои ќе учествуваат во работната група за подготовка на новиот закон, по што се очекува деновиве и да биде одржана конститутивната седница на комисијата.
Е сега останува на партиите да одлучат дали само ќе направат козметички измени колку да замачкаат очи дека нешто сработиле и новите изборни правила повторно ќе бидат во корист на големите политички играчи или ќе направат закон во корист на демократијата во Македонија.
Граѓаните одамна бараат конкретни измени: една изборна единица, намалување на бројот на пратениците, јасни правила за државното субвенционирање на изборната кампања и слично.
