Полицијата работи на расчистување на случај на физичка пресметка меѓу малолетнички што се случил на подрачјето на општина Аеродром во Скопје.
Според информациите од МВР, на 12 март во 17:53 часот во СВР Скопје, 47-годишен скопјанец пријавил дека неговата малолетна ќерка била физички нападната од две нејзини соученички. Според пријавата, девојчињата биле во друштво со уште три малолетнички, при што една од нив го снимала настанот со мобилен телефон.
Следниот ден, на 13 март во 14:30 часот, друг скопјанец пријавил дека таткото на нападнатото девојче физички ја нападнал неговата малолетна ќерка, која претходно учествувала во нападот.
Од Министерството за внатрешни работи информираат дека се преземаат мерки и активности за целосно расчистување на случајот.
