Пратеникот на ВМРО-ДПМНЕ, Бране Петрушевски, изјави дека, според него, протестите организирани од Сојуз на синдикати на Македонија се поврзани со политичко дејствување на Социјалдемократски сојуз на Македонија.
Тој на прес-конференција посочи дека до нив пристигнале документи од, како што рече, „свиркачи“, кои покажуваат кои лица биле задолжени за организација на логистиката за протестите.
Петрушевски тврдеше дека од тие информации може да се види поврзаност меѓу синдикалните структури и луѓе кои претходно биле дел од локални структури на СДСМ. Според него, тоа покажувало дека синдикалните активности се користат за политички цели.
Од синдикатите претходно неколкупати негираа дека нивните активности се партиски мотивирани, истакнувајќи дека протестите се организираат поради работнички права и економски барања.
