Прва Скопска ТВ: Во иднина ќе се модернизирала Железничката станица, а сега барем малку ќе се призакрпи и исчисти ли?

Добро е што властите најавија дека прават проект со кој се предвидува Железничката станица да добие изглед на модерна железничка станица. Проектот ќе бил готов за година и пол до две, истакна деновиве директорот на ЈП Железници инфраструктура.

А до тогаш ќе се среди ли малку барем внатрешноста на станицата? Од многу места капе, па дури и тече вода во ходниците, кај билетарите. Голем дел од плафонот е паднат, ескалаторите изгледаат страшно. Има и многу простор кој плаче за интервентно чистење.

Не е можно на странците и домашните патници кои сега ќе бидат на станицата да им кажеме – сега е лошо, ама за две години многу убаво ќе биде. Мора нешто сега да се призакрпи, среди и исчисти.