Кратко траеше љубовта меѓу Гоце Седлоски и Работнички, по четири месеци дојде разделба поради лошите резултати, Горан Станиќ е именуван за нов тренер.
Работнички се реши за тренерска смена откако резултатите во последниот период беа под сите очекувања на раководството.
-ФК Работнички спогодбено се раздели со досегашниот шеф на стручниот штаб, Гоце Седлоски. Со него заминуваат и неговите соработници, Тони Мегленски и Сашко Поповски, соопшти Работнички.
Под водство на Седлоски Работнички одигра 11 натпревари на кои забележа две победи, двапати одигра нерешено и загуби дури седумпати.
На местото од Седлоски седнува Горан Станиќ. 
-ФК Работнички за нов шеф на стручниот штаб го именуваше Горан Станиќ. Негови асистенти ќе бидат Баже Лазаревски и Бојан Марковски. Тренер на голманите останува Матеј Миленков. Новиот стручен штаб предводен од Горан Станиќ денеска ќе го одржи првиот тренинг со тимот, информираат од клубот.
