Лоши вести за МЗТ Скопје Аеродром откако тимот ќе мора да се справува без еден од клучните кошаркари, Андреј Магдевски, до крајот на сезоната.
Македонскиот шампион ја оствари победата на последниот натпревар против Тиквеш, но радоста беше засенета од повредата на Магдевски, кој за време на мечот почувствувал силна болка и морал да ја напушти играта.
По направените лекарски прегледи било утврдено дека станува збор за сериозна повреда на коленото, која ќе бара подолг период на закрепнување. Поради тоа, плејмејкерот ќе отсуствува неколку месеци и нема да биде во комбинација за остатокот од сезоната.
Ова претставува дополнителен удар за тимот, особено ако се земе предвид дека поради повреди надвор од составот се и други важни играчи. Во клубот се надеваат дека преостанатите кошаркари ќе успеат да го издржат периодот и да ги исполнат целите во продолжението од сезоната.
Следен предизвик за МЗТ ќе биде гостувањето кај Кожув, каде тимот ќе се обиде да остане во победнички ритам и покрај кадровските проблеми.
