„Колку вреди човечкиот живот“, „Убијци“, „Монструми“, „Убивате за профит“. Со вакви транспаренти голема толпа демонстранти се собраа денес пред Владата на протест по скандалот со кражба на лекови на Онкологија. Меѓу присутните има и лекари, кои дојдоа да го искажат својот револт.
Протестот се случува откако беше објавено дека на пациентите им биле давани физиолошки раствори, а скапите лекови против канцерогинете заболувања завршувале на црниот пазар. Организаторите на протестот најавија дека нема да прифатат одговорност само од најнискиот ешалон на Клиниката туку дека ќе бараат кривична одговорност за владините функционери.
Од Владата демонстрантите се упатија кон Обвинителството.
