Оркестарот на ФАМЕ’С Институт вечерва во 20.30 часот ќе одржи концерт во Сули ан, во Старата скопска чарпија. Ќе настапат и гостите од Соединетите Американски Држави, диригентот Скот Флавин и виолинистката Ирина Мурешану. На програта се дела од Ф. Прајс, М. О Конор, Џ. Лесард, А. Копланд, Л. Бернштајн, С. Џоплин, Х. Манцини и од Џ. Гершвин.
ФАМЕ’С европскиот окрестарски изведувачки институт е музички образовен центар, создаден во рамките на компанијата ФАМЕ’С која се занимава со професионално снимање и продукција на музика. Институтот претставува уникатна платформа за професионална музичка едукација, размена на искуства и креативност, наменет за млади талентирани инструменталисти од Европа, во полето на оркестарската музика, како дел од програмата за Паневропски културни ентитети (CREA-CULT-2021-PECE). Фокусирајќи се на креирање можности за младите таленти програмата обезбедува едукација и разновидни оркестарски практки, истражувајќи нови стилови, збогатувајќи го репертоарот со нови композиции итн.
Скот Флавин, роден во Бостон (САД) е музичар со сестрана кариера, без разлика дали диригира класични музика, ги придружува најголемите светски џез ѕвезди или изведува современа музика. Неодамна е назначен за постојан диригент за престижниот оркестар Symphony of the Americas. Освен тоа, тој е и постојан диригент на орекстарот на Хенри Манцини Институтот. Флавин настапува со различни уметници како: сопранот Денис Грејвс, Бич Бојс, виолинистот Џозеф Силверстајн, џез-пијанистот Чик Кореа и Дејв Грусин и многу други.
Виолинистката со романско потекло Ирина Мурешану е подеднакво барана на двете страни на Атлантикот, настапувајќи низ САД, Канада, Карибите, Европа, Азија и Јужна Африка. Цврсто се етаблира како вешт уметник за снимање на музика, а нејзините авантуристички програми и тематски концепти ја дефинираат како солист и камерен музичар. Лауреат и добитник на врвни награди на неколку престижни меѓународни натпревари за виолина, вклучувајќи ги натпреварите во Монтреал и Вашингон, Кралица Елизабета, УНИСА и натпреварот за гудачи Шадт. Наградите на Мурешану ја вклучуваат и музичката награда Пресер, наградата Артур Фут од Музичката асоцијација Харвард, Pro Musicis International Award и грантот на New Music USA.
