Американскиот претседател Доналд Трамп изјави дека средбата меѓу израелската и либанската делегација во Белата куќа поминала „многу добро“ и најави дека примирјето меѓу Израел и Либан ќе биде продолжено за уште три недели.
„Со нетрпение очекувам наскоро да ги угостам израелскиот премиер Бенјамин Нетанјаху и претседателот на Либан, Џозеф Аун“, рече Трамп, додавајќи дека му било чест да учествува на, како што ја нарече, „историската средба“.
Трамп истакна дека очекува во наредните недели да се сретне со лидерите на двете земји и изрази надеж дека до крајот на годината ќе се постигне траен мировен договор.
„Мислам дека има многу добри шанси за мир. Верувам дека ова може лесно да се реши“, изјави Трамп пред новинарите за време на средбата со либанскиот и израелскиот амбасадор, на која беше најавено продолжувањето на кревкото примирје.
