Дел од лидерите на ЕУ, со нескриена радост ја поздравија победата на Петер Маѓар на парламентарните избори во Унгарија, претставувајќи ја како отворање на нова политичка ера со директно влијание врз односите на државата со Унијата, САД и Русија.
Но сепак, иако во Брисел имаат големи очекувања од новиот унгарски лидер, повеќе аналитичари предупредуваат дека ЕУ може да добие „шамар”, затоа што Маѓар во некои прашања има слични ставови со досегашниот премиер Виктор Орбан, а во однос на политиката за миграцијата дури и е многу поостар. Во однос на Украина и тој не поддржува испраќање оружје и брз влез на Украина во ЕУ.
За односот со Русија, Маѓар јасно кажа дека доколку му се јави Путин, тој ќе разговара со него.
Затоа, аналитичарите предупредуваат дека Унгарија нема да биде „лесен партнер” за Брисел.
