За брзо возење на патиштата низ Македонија полицијата вчера казнила вкупно 549 возачи. При контролата, полициски радар регистрирал и возило кое се движело со 221 км на час.
– Од вкупно 549 санкционирани возила, 26 возила се движеле со брзина над 50 километри на час повеќе од дозволеното, а осум возила се движеле со дури над 70 километри на час повеќе од дозволената брзина. Притоа 330 возила ја пречекорилe брзината во населено место, а 219 надвор од населено место. 51 возило се од Скопје, велат од МВР.
Засилените сообраќајни контроли продолжуваат и во наредните денови, се апелира возачите да ги почитуваат сообраќајните правила и прописи и да не ја пречекоруваат дозволената брзина.
МОЖЕБИ ЌЕ ВЕ ИНТЕРЕСИРА:
