Пожар избувнал на улицата „Дебарца“ во Прилеп, при што биле зафатени куќа и помошна просторија во сопственост на прилепчанецот Д.Р., информираат од полицијата.
Настанот бил пријавен на 20 март околу 16:40 часот во ОВР Прилеп, по што на терен интервенирала Територијалната противпожарна единица. Пожарникарите успеале да го локализираат и целосно да го изгаснат огнот.
За време на интервенцијата, еден пожарникар се здобил со повреди. Станува збор за 53-годишен припадник на единицата од селото Крушеани, кој бил погоден од струен удар и веднаш бил пренесен во Градската болница во Прилеп за укажување медицинска помош.
Надлежните служби извршиле увид на местото на настанот, а се работи на утврдување на причините за избувнување на пожарот.
МОЖЕБИ ЌЕ ВЕ ИНТЕРЕСИРА:
