Израелската армија (ИДФ) денеска соопшти дека по 10-часовни борби освоила важно упориште на Хамас во Појасот Газа, пишува „Тајмс оф Израел“. ИД соопшти дека упориштето е заземено во западниот дел на Џабалија, на околу 4 километри северно од градот Газа.
Израелските војници, се додава, се бореле со припадниците на Хамас и Исламскиот џихад „над земја и на подземна рута во таа област“.
Според соопштението, за време на борбите биле убиени десетици палестински милитанти, а во нивниот воен камп е пронајдено многу оружје и откриени се шахти од тунели, вклучително и една во близина на градинка, која води до „голема подземна рута“.
ИД не соопшти дали имало жртви меѓу израелските војници во нападот.
