Колапс на авиосообраќајот во САД, ќе се откажуваат по 4.000 летови дневно

Американските сојузни власти соопштија дека, поради финансиската блокада на владата, ќе го намалат воздушниот сообраќај за 10 проценти на вкупно 40 аеродроми со голем обем на летови, почнувајќи од утре.
Се проценува дека меѓу 3.500 и 4.000 летови дневно би можеле да бидат откажани или одложени.
Администраторот на Федералната управа за авијација изјави дека ова намалување на капацитетот е неопходно за да се
растеретат контролорите на летање и дека доколку блокадата на владата продолжи, можно е да бидат воведени дополнителни ограничувања.