Скопјани пијат безбедна вода покажа редовната санитарна контрола

Водата во Скопје е безбедна за пиење, покажува најновиот неделен извештај на „Водовод и канализација”.

Во периодот од 20 до 24 април 2026, секторот за санитарна контрола спровел редовен мониторинг и земал 189 примероци за физичко-хемиска како и 189 примероци за микробиолошка анализа на вода за пиење од 45 мерни места во Градот Скопје.

Сите анализирани примероци се во согласност со Правилникот за барања за безбедност и квалитет на водата за пиење, покажаа резултатите од испитувањата.