На обдукција во Сплит е испратено телото на македонскиот нуркач кој синоќа беше извлечен починат од водите на јадранскотот море. Несреќата се случила синоќа претпладне откако на македонскиот нуркач му се слошило и останал без свест. Бил извлечен на копно и имало обид за реанимација. Лекарите од Итната помош на островот се обиделе да му помогнат, но македонецот веќе бил починат, по што неговото тело е предадено на обдукција во Сплит каде треба да се утврди причината за смртта.
Несреќата се случила во близина на малото островче Равник каде што и пред десетина години имало слична несреќа со загинат нуркач.
Нуркачот е скопјанец на 40- годишна возраст, а со ова хоби се занимавал повеќе од 20 години. По, обдукцијата се очекува телото да биде транспортирано и предадено на семејството.
