Култната Универзална сала во Скопје треба да блесне во сиот свој сјај како што ја паметат скопјани, врз сегашната челична конструкција со инвестиција од 20 милиони евра, обезбедни од Владата, преку министерството за култура и туризам, до крајот на 2027 година, односно непосредно пред почетокот на 2028 година кога Скопје треба да се претстави како европска престолнина на културата.
Ова го кажа министерот за култура и туризам Зоран Љутков, кој додаде и декаизградбата се одвива по принципот клуч на рака и две еспертизи досега покажале дека челичната конструкција после пожарот не е оштетена, а според проектот Универзалната сала го задржува автентичниот лик и структурата, но со нови материјали и содржини, дополнителни измени во делот на влезот и администрацијата, измени во сценската технологија и хидраулика, но има многу новитети како што е звучна изолација.
