На средба со граѓаните во Волково, кандидатот на ВМРО-ДПМНЕ за градоначалник на Скопје, Орце Ѓорѓиевски го започна дружењето со жителите од општина Ѓорче Петров.
„За мене е огромна чест да бидам меѓу народот, со луѓе кои веруваат, кои знаат да препознаат чесна работа, искрена намера и вистинска посветеност“, рече Ѓорѓиевски пред присутните.
Тој посочи дека Ѓорче Петров денес е општина – променета на подобро, благодарение на проектите што се реализираат со срце и душа за секое населено место, вклучувајќи ги Волково, Даме Груев, Никиштани и Стопански двор.
„Секое населено место заслужува уште повеќе. Поддршката нема да изостане – од мене ќе ја имаат секогаш. Ќе имаат вистински партнер и пријател“, порача Ѓорѓиевски.
МОЖЕБИ ЌЕ ВЕ ИНТЕРЕСИРА:
