– Полупразната сала која наликуваше на игранката пред кооперација покажа дека со Ковачевски и Зечевиќ е завршено. Тие се предводници и на чело на криминалната структура која управува со земјата. И тие ќе бидат жестоко поразени од народот на предвремени парламентарни избори, велат од ВМРО-ДПМНЕ.
Според опозициската ВМРО-ДПМНЕ, судството е политизирано, криминалците се на слобода, а СДС не решила ниту еден проблем.
– Лебот не поевтини, струјата поскапи. Компаниите не добија поддршка, а инфлацијата го осиромашува народот. Место на големата маса на ЕУ нема за арамии и луѓе кои ја разградуваат Македонија. Ниту пак за членови на влада кои се папочната врвка со криминалот во државата. Ковачевски е заложник и слуга на ДУИ, и Ахмети. Вазалството негово се гледа во тоа што државата е блокирана, а ДУИ се однесува како стопан на Ковачевски и СДС. Ахмети на сиџимче го држи Ковачевски, и ДУИ освен институции и власт си го има Таче, истакнуваат од ВМРО-ДПМНЕ.
Од ВМРО-ДПМНЕ уште еднаш побараа предвремени парламентарни избори.
