Комисијата за заразни болести потфрли во целост и е највиновна за енормниот број на заразени од корона вирусот во Македонија, обвини денеска опозициската ВМРО-ДПМНЕ.
Оваа партија во соопштнието наведува дека членовите на Комисијата наместо како лекари се поставија како политичари.
–Епилогот е скоро 6.000 заразени од ковид-19 од почетокот на месецот до денес. Комисијата која велеше дека се е под контрола и се стави во функција на извршител на Заев и Филипче. Околу 5.500 луѓе моментално се позитивни на корона вирусот во државата додека бројките на починати континуирано растат. СДСМ исполитизира се. Исполитизирана е и Комисијата за заразни болести, и менаџментот во здравството, затоа цело лето не се презема ништо во оспособување на нови болнички капацитети, и затоа медицински кадар бега од Македонија, се потенцита во партискиот став.
ВМРО-ДПМНЕ потенцира дека власта не ги направила потребните подготовки за претстојниот есенски бран на ковид што следи, па уште сега нема место во болниците.
–А, нема ниту вакцини против сезонски грип. Власта нема никаква стратегија. За здравјето на граѓаните се одлучува со ден за ден политики. Граѓаните се жртва на аматеризмот на власта. Потребна е одговорност, се наведува во соопштението.
