Обвинителството побара максимална затворска казна, за Стојанче Јовановски чија сопруга и ќерка трагично ги завршија животите на 2 март годинава по пад од балкон во Тафталиџе, а неговата одбрана побара ослободителна пресуда во завршните зборови на денешното рочиште.
Јовановски е обвинет за три кривични дела – телесна повреда, односно повреди сторени како продолжено дело на семејно насилство, загрозување на сигурноста и наведување и помагање во самоубиство
-Да, тој не ја турна Ивана физички, но ја донесе до работ и ја одзеде секоја причина да не скокне – рече обвинителката Адела Бојчевиќ.
Во своите завршни зборови, обвинетиот Јовановски ги отфрли делата кои му се ставаат на товар, тврдејќи дека ниту ја поттикнал ниту ја охрабрил својата сопруга да се самоубие, а ги оспори и наводите дека ѝ нанесувал телесни повреди на Ивана.
