Граѓани на општината Ѓорче Петров организирани во Иницијатива против урбаното дивеење во Ѓорче Петров денеска се сретнаа до министерот за транспорт и врски Благој Бочварски, за да му се пожалат од урбаното дивеење во Хром каде се градат 30 згради, а пак ДУП-от СЗ 20 предвидува изградба на нови 100 згради.
Ова го нарушува хуманото живеење на населението во населбата, како што се водните и електрични капацитети, кои влијаат на секојдневното функционирање на домаќинствата, му се пожалија жителите на Бочварски укажувајќи дека градоначалникот Александар Наумовски со поддршка и од советничката група на СДСМ во Ѓорче Петров, планираат да изградат огромни зданија во висина од 60 метри и 17 ката кои ќе ја затворат западната порта на градот Скопје.
Ако не им помогне тој, тие најавуваат дека ќе одат кај премиерот Заев, а доколку и тогаш не се запре со ова, тие најавуваат секојдневни блокади и закочување на целата општина, се додека не наидат на разбирање од страна на властите или пак случајот не добие правна разврска во полза на граѓаните на Ѓорче Петров.
