Агресивно однесување и нарушување на јавниот ред и мир било причина за приведување на син и мајка во скопската полициска станица Карпош. Полицијата информира дека прво бил приведен 22-годишниот С.Л.
-Тој во 3.50 часот на крстосницата од булеварот „Партизански одреди“ со улицата „Бледски договор“, бил под дејство на алкохол го нарушил јавниот ред и мир и агресивно се однесувал кон полициски службеници, се наведува во информцијата.
По ова во 6.10 часот во просториите на полициската станица Карпош дошла мајка му Л.Н.Е. (45).
-И таа го нарушила јавниот ред и мир со агресивно однесување, бидејќи не ѝ било дозволено самоволно и без дозвола да влезе во просторија каде бил нејзиниот син С.Л., кој бил претходно приведен. По целосно документирање на случајот, против нив ќе биде поднесен соодветен поднесок, информира полицијата.
МОЖЕБИ ЌЕ ВЕ ИНТЕРЕСИРА:
