Епидемиолошката состојба предизвикана од корона вирусот последните денови се подобрува, опаѓа бројот на нови случаи и верувам дека таков тренд ќе продолжи, изјави денеска министерот за здравство Венко Филипче.
– Се бележат тредови на опаѓање на новодијагностицирани случаи, а нешто што е многу значајно е што се намалува и бројот на прегледи во сите ковид-центри во сите градови. Сериозно значајно е намален притисокот за прием на пациенти во болнички установи и има голем број слободни болнични кревети, рече Филипче.
Од денеска ќе се почне и со ослободување на дел од одделенијата кои беа дополнително ангажирани во овој период да третираат ковид-пациенти.
– Верувам дека овие трендови ќе продолжат, оти нема да има нешто што ќе нѐ изненади, а на почетокот на следната недела ќе зборуваме понатаму и за типот на рестриктивни мерки кои ќе ги предложиме, рече министерот за здравство на прес-конференцијата одржана во пунктот за вакцинација во салата „Борис Трајковски”.
