И Словенија ќе воведе забрана за користење социјални мрежи за деца под15 години

Словенија најави нов закон и забрана на пристап до социјалните медиуми за деца под 15 години.

Со ова, државата се приклучува на трендот што веќе го наметнаа неколку европски земји.

Шпанија предложи забрана за користење социјални медиуми за лица под 16 години, додека Грција е на чекор до воведување слични ограничувања.

Во исто време, Велика Британија и Франција сè погласно размислуваат за заострување на правилата, откако Австралија во декември стана првата земја во светот која го стори тоа.