Извештајот на Државниот завод за ревизија околу ревизијата во Министерство за односи меѓу заедниците за 2024 година и ја крена косата на главата на македонските граѓани.
Таму било башибозук – фалат 30 преносни компјутери, се делеле плати без да се оди на работа, а се точело и гориво во возила за кои не може да се потврди дека се во сопственост на Министерството.
И сега, ќе се кренат ли органите на прогон за да го истражи и кривично да го процесуираат случајот?
Прашањето се наметнува поради не ретката појава ревизорите често да откриваат неправилности или несоодветно трошење на јавните пари, а потоа ефектите од овие извештаи да се малку видливи.
Џабе се ревизорските извештаи ако нема казни за сторителите на криминалот. Народните пари мора да се штитат од злоупотреби. Затоа на потег се истражните органи. Впрочем тогашниот министер Артан Груби еве сега им е достапен, нека го расчистуваат случајот.
