Лидерот на ВМРО-ДПМНЕ, Христијан Мицкоски, преку „Фејсбук“ објасни дека ги видел и прочитал ставовите на бугарскиот европратеник Александар Јорданов. Воедно Мицкоски му одговара за тешките навреди кои Јорданов ги упати кон Македонија и Македонскиот народ.
-Тоа што сте член на Европскиот парламент не ви го дава правото на непочитување кон Македонија и постојаните фалсификати, историски и политички за кои говорите и ги произведувате. Кога говорите за Гоце Делчев, можам само да ѝ благодарам на мудроста на вашите претходници и на бугарските политичари, кои ја почитуваа желбата на големиот македонски херој и ги предадоа моштите во единственото слободно парче македонска почва, денешна Република Македонија. Тоа беше акт на бугарската почит кон македонскиот херој Делчев. Но, за жал, не пропуштате ниту миг да го изгнасите и нивниот чекор на пријателство и нашето природно право слободно да се повикуваме и да го славиме неговото дело, напиша Мицкоски.
Првиот човек на опозициската партија на Јорданов му порача:
-Никој не ви го оспорува правото да го почитувате Гоце Делчев доколку сакате. Но, почитувајте го во целост и она што вистински бил. Македонец, кој се борел за слободна Македонија, потенцира Мицкоски и додава:
